مصر.. السيسي يتفقد عددًا من مشروعات الإسكان بمدينة 6 أكتوبر

تفقد الرئيس المصري عبدالفتاح السيسي، مساء اليوم الأربعاء، عددًا من مشروعات الإسكان بمدينة السادس من أكتوبر.
و قال  السيسي، إن وزارة النقل قامت بعمل مشاريع  بقيمة 1.6 تريليون جنيه، فضلا عن الطرق التي تقوم بإنشائها وزارة الإسكان والقوات المسلحة.

وأضاف السيسي، خلال افتتاحه عدد من المشروعات القومية بقطاعي الإسكان والطرق: “لو عملنا كدا تبقى القاهرة سواء شرقها أو غربها عملنا فيها على الأقل الحركة الرئيسية بها.. ولكن يبقى التحدي بيننا فى مناطق مثل كرداسة التي تحتوي على عدد سكان كبير جدا”.

كلمة السيسي للمصريين

قال السيسي “إن هناك ثقافة يجب تغييرها فى التعامل مع البناء وأن المواطن من غير ما يقصد يلاقى حتة أرض جنب بيته يبنى خلاص”.
وأضاف الرئيس: “بقولها لكل المصريين وأرجو أنكم تسجلوها كويس وتفكروا فيها كويس اللى معاه قرشين يروح يبنى أي حاجة أنا بشوف حجم العمارات وحجم الأشغال اللى فيها لو معاك قرشين تعلي في العمارة بتاعتك 5-6 أدوار وأنت مش هتسكن فيه لو إنت معاك فلوس وحطيتها في البنك ده هيوفر لك عائد مناسب”.
وقال الرئيس: “إنت تبني على أرض زراعية أو أرض مش بتاعتك اللى تبني عليه مش هيجيب حاجة دى ثقافة عندنا حتى الريف يبنى دور ولا دورين ومش محتاجه دلوقتي ويحتاجه كمان 15 سنة من أجل أولاده”.
وتابع الرئيس: “لازم نتجاوز النقطة دي مواطنين وشعب حجم كبير من المساكن اللى بشوفها على الدائري مش مسكونة مفيش شباك راكب”.
وتابع الرئيس السيسي: “حجم التحدي، أكبر من اللى بنفكر فيه الزملاء اللى بيناقشوا لما بنعمل حاجة زي الدائرى الأوسطي شوف بتخدم كام محافظة القاهرة الكبرى والمحافظات القريبة منها”.

وقال  السيسي، إن النقاش حول اشتراطات البناء على مستويات مختلفة، مشددًا على أهمية دور البرلمان في مساعدة الدولة فيما تفعله.
ووجه في كلمة خلال الافتتاح: “البرلمان لازم يساعدنا فيما نفعله، لأن ما نفعله ليس الهدف منه إننا نؤذي المواطن، هو بتاعنا ومننا كلنا لكننا بلد”.
وتابع: “حد تاني يقول أنا لو مكانك مخليش في محافظة القاهرة حاجة تتبني تاني.. لكنا إحنا مش هنسيب الناس كدة، وسمعت نقاشا كبيرا حول تراخيص البناء، أنا بسمع وبشوف تعليقات الناس، ومش هنزايد على بلدنا”.
وشدد على أهمية الشرح للمواطنين بصورة كبيرة بشأن الطرق أو الإسكان أو أي موضوعات طرحت خلال تلك المناقشة، معربًا عن أمنياته في وصول المعلومات إلى المواطنين والمسؤولين عن الدولة.