دنيا سمير غانم تحتفل بوصول عدد متابعيها على انستجرام لـ 14 مليونًا
احتفلت النجمة دنيا سمير غانم، بوصول عدد متابعيها على إنستجرام لـ 14 مليون متابع، وكتبت عبر حسابها على إنستجرام، قائلة: "شكرًا على دعمكم الدائم ليا"، موجهة رسالة شكر لجميع متابعيها.
وتنتظر النجمة دنيا سمير غانم عرض فيلم "تسليم أهالى" الذى يشارك فى بطولته الفنانون بيومى فؤاد وهشام ماجد وآخرون، إخراج خالد الحلفاوى، وهو العمل الذى يمثل أول بطولة مطلقة لها فى عالم السينما بعد آخر أعمالها "لف ودوران" أمام النجم أحمد حلمى.
ويعتبر آخر أعمال دنيا سمير غانم مسلسل بدل الحدوتة تلاتة الذى عرض رمضان 2019، وحقق المسلسل نجاحًا كبيرًا، وكان من بطولة محمد سلام، شيماء سيف، بيومى فؤاد، محمد أوتاكا، وعدد كبير من ضيوف الشرف أبرزهم الراحلين سمير غانم ودلال عبد العزيز، سماح أنور، والعمل كان من تأليف أيمن وتار وإخراج خالد الحلفاوي.
وبدوره، وجه الفنان المصري، محمد هنيدي رسالة، لمن يقلل من قدر النجم محمد صلاح لاعب ليفربول الإنجليزي ومنتخب مصر، بعد هزيمة نادي ليفربول نهائي دوري أبطال أوروبا أمام ريال مدريد.
وكتب هنيدي قائلا: "عارف لما بتبقى بتلعب بلاعب في البلاي ستشين وفجأة تلاقيك بتنافسه أو اللاعب بعد ما اعتزل بيحلل أداءك في التلفزيون وبيوصفك بالأفضل في منطقتك في العالم".
وتابع هنيدى: "عشان كدة بقى عايز أقول حاجة، بقالي فترة بشوف "بعض" الشباب اللي بيحاول يسخر أو يقلل من صلاح، يمكن يكونوا مابيحبوش صلاح أو بيشجعوا فرق منافسة، من حقك ماتحبش صلاح وحقك تحب فريق منافس وتشجعه، بس الفكرة ليه تقلل أو تكره واحد قدر يعمل اللى ملايين كانوا بيشوفوه مستحيل".
وأضاف هنيدي: "صلاح اللي كان بيسافر بالقطار كل يوم وينام في النادي على الأرض وبدون واسطة قدر يصنع نفسه من الصفر، لغاية لما وصل أنه بقى ينافس على الأفضل في العالم، صلاح زينا وشبهنا، ماتولدش في بقه معلقة دهب، وقدر يكون مثال لأي واحد بيتعب وشايف أن حلمه وهدفه مستحيل يتحقق".
واستكمل هنيدي: "صلاح مثال لأي شخص مجتهد وبيمر بظروف صعبة وحياة صعبة، مثال إنك تقدر مش بس تكون الأفضل في بلدك تكون الأفضل في العالم، الفكرة مش في الشخص الفكرة في الفكرة نفسها، أن يكون عندنا شخص وأشخاص طبعا في مجالات كتير تانية زيه، قدروا يحققوا اللي انت واحنا كنا شايفينه مستحيل، فالحب والتقدير لصلاح مش حب لشخص، حب لفكرة ونجاح، وهاردلك لصلاح".
