بعد نشره مقاطع رومانسية لهم.. كيف ردت الفنانة حلا شيحة على تامر حسني؟
انتقدت الفنانة حلا شيحة، الفنان تامر حسني عبر حسابها الرسمي بموقع التواصل الاجتماعي “انستغرام”، وذلك بعد نشر الأخير فيديو كليب يجمعهما، من فيلم «مش أنا» ويحتوي على مشاهد رومانسية بينهما.
وقالت حلا، عبر حسابها على موقع انستجرام: “أنا اتفاجئت جدا بنزول كليب يجمع فيه مشاهد متفرقة من الفيلم وخصوصًا بعد آخر بوست نزلته ووضحت فيه أنا أيه.. واتفاجئت اكتر خصوصا بعد وعد تامر حسني ليا وتأكيده انه هیحترم رغبتي وبعض الطلبات اللي طلبتها منه بكل احترام وود الصيف اللي فات وأکدلي إنه هيحترم رغبتي”.
تابعت حلا شيحة حديثها: “إحنا يمكن نجحنا بمقاييس الدنيا بس صدقوني بمقاييس ربنا احنا لم ولن ننجح أنا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح بتكلم من قلبي الكليب ده ميرضيش ربنا”.
وأكملت حلا: «أنا عيطت لأني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط ولازم نغلط علشان احنا بشر بس المصيبة اننا بنغفل وبننسی».
واختتمت قائلة: “أنا مش هتكسف من حد أنا توبت من المشاهد دي وهي هي لا تصح وأنا غلطت وبصلح وأهم حاجة إن ربنا يرضى عني لإن في الآخر ده اللي هينفعنا مش الشهرة ولا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها إلا القليلين منا، الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن».
