“لا يوجد تحسن”.. تعرف على مستجدات حالة الفنانة دلال عبد العزيز

“الوضع صعب ومش سهل ولا يوجد تحسن، وكل شوية بيحصل مفاجئة” كلمات وصفت حالة الفنانة دلال عبد العزيز، وما وصلت إليه في حالتها المرضية، من قبل زوج ابنتها الإعلامي رامي رضوان.

وكشف رضوان، عن تفاصيل استقبال عائلة الفنانة الكبيرة شائعة وفاتها، مؤكدًا أنه سارع بنفي كل ما تردد حول وفاة النجمة  لخطورة انتشار مثل هذه الشائعة على عائلتها، وكل المقربين منه.

وقال رضوان: “بعد ما نفيت الخبر، بنتها دنيا سمير غانم كانت نايمة، إيه اللي كان ممكن يحصل لما تصحى على خبر مفبرك عن وفاة والدتها، وتلاقي رسائل عزا على تليفونها.. تخيلوا هذا من الجانب الإنساني، بعدما فقدت الأسرة الأب سمير غانم، إحنا عايشين في معاناة من 3 شهور ولحد النهاردة”.

وعلق رامي على الوضع الصحى للفنانة دلال عبد العزيز، قائلا: “الوضع الصحي صعب، ومش سهل، هل في تحسن مقدرش أقول كده، لأن التحسن ده تقدر تقيسه لو حصل تحسن واستقرار.. التحسن ده لسه شوية ما بيحصلش، كل شوية بيطلع مفاجأة، وللأسف الموضوع شديد الصعوبة، وأرجو من كل السادة الصحفيين والإعلاميين تحري الدقة، لأن فيه اللي نشر على صفحاته كمان.. ما تتكلمش علينا، بتكلم بصفة عامة، بلاش نجري في نشر خبر زي ده قبل أما نتيقن”.