المطربة الإماراتية أحلام: اللهم احفظ إخواننا في غزة واجبر قلوبهم
دعمت المطربة الإماراتية أحلام الشماسى الشعب الفلسطيني في محنتهم وأدانت الهجوم الغاشم على الأبرياء والعزل من قبل المحتل الغاشم وقالت على صفحتها بموقع التواصل الاجتماعى إنستجرام "اللهم احفظ إخواننا في غزة، اللهم أجبر قلوبهم جبرًا عظيم، يا الله اللهم ارحم شهداءهم واشفي جرحاهم".
وكان دعا عدد كبير من نجوم الفن من بينهم دينا الشربيني وكريم فهمي وعمرو يوسف، جموع الشعب المصري لتنظيم وقفة تضامنية مع الشعب الفلسطيني لما يعانوه من القصف المستمر من قِبل جيش الاحتلال الإسرائيلي، وما نتج عنه من عدد هائل من الشهداء وإصابات بالغة.
ونشر الفنانون فيديوهات تفويض للرئيس عبد الفتاح السيسي في حماية سيناء والشعب الفلسطيني، ودعوة لوقفة تضامنية مع شعب غزة المقرر إقامتها بعد صلاة الجمعة بجميع ميادين مصر، ومنها ميدان النصب التذكاري بمدينة نصر.
فنانون يدعون لوقفة تضامنية مع فلسطين ويفوضون الرئيس في حماية سيناء وفلسطين
دينا الشربيني: أقل حاجة ممكن نعملها في الظروف الصعبة والبشعة اللي بيمر بيها الشعب الفلسطيني أننا نقف بكره في المنصة بعد صلاة الظهر نقف وقفة تضامنية ونبين للعالم كله اننا رافضين اللي بيحصل ده وأن لينا صوت..
شريف منير: بكرة إن شاء الله بعد صلاة الجمعة نتقابل عند المنصة عشان نقف جنب فلسطين
كريم فهمي: كلنا في حالة حزن بسبب اللي بيحصل في فلسطين، بدعوا كل الناس بكره ننزل بعد صلاة الجمعة ندعم الشعب الفلسطيني ونحاول نوصل صوتنا ونقول لأخواتنا الفلسطينيين أننا معاهم
عمرو يوسف: كلنا متابعين اللي بيحصل لأخوتنا الفلسطنين، وهنفضل نتكلم وهنفضل نحاول نوصل صوتنا للعالم، بكره عن المنصة بعد صلاة الجمعة الناس كلها هتنزل عشان العالم كله يعرف ويتأكد أن مصر كلها ضد اللي بيحصل في غزة.
أحمد حسن: كلنا في حالة حزن من الأحداث اللي بنشوفها والظلم اللي بيتعرضله الشعب الفلسطيني، لذلك بندعوا كل الشعب لوقفة تضامنية مع الشعب الفلسطيني على الأقل نوصل صوتنا وأهلا لو أي حد عايزه يقف معانا، ودي أقل حاجة نقدر نوصلها للأخواتنا في فلسطين.
شادي محمد: بدعوكم بقوة للنزول بعد صلاة الجمعة في المنصة لدعم القضية الفلسطينية، وكمان بنزل عشان نقول للرئيس عبد الفتاح السيسي كلنا وراك وفي ظهرك.
إيهاب فهمي: هنستناكوا بكرة بعد صلاة الجمعة في النصب التذكاري لدعم أهلنا في غزة، وخلف الرئيس السيسي.. تحيا مصر
مدحت العدل: أنا بدعوا كل الناس تنزل بكره في الميادين للتعبير عن حالة الرفض عن اللي بيحصل في فلسطين، أنا نازل وبدعوا كل الناس تنزل وكلنا نقف ورا خلف القيادة السياسية.
