أحمد حلمي: أتمنى صمود الفلسطينيين ينتهي بالنصر

حل الفنان المصري أحمد حلمي، ضيفًا في برنامج "Sold out" الذي يقدمه الإعلامي محمود سعد، على قناة Cbc، ومنصة Watch it الرقمية، وبدأ أحمد حلمي حديثه قائلاً: "أنا بشكر كل حضور برنامج sold out، لأنها حاجة كبيرة أوى انكوا تنزلوا من البيت وتيجوا عشان تحضروا اللقاء اللى هايكون ممتع مع الأستاذ محمود سعد".

الفنان المصري طارق فؤاد ينتهي من تسجيل أغنية "عالم أخرس" دعما لفلسطين

"الكأس الأخيرة" لطلاب المعهد العالي للفنون المسرحية على الطليعة الأحد

وبسؤاله عن لحظة شعر فيها بأنه وصل فنيا، قال الفنان المصري أحمد حلمي: "أنا مشوارى كله عامل زى السلم والتعبان سلم يطلعك وسلم ينزلك، وطول عمرى بكون عاوز أروح يمين أدخل شمال مش بمزاجي".

وعن لحظة شعر فيها بالحزن قال الفنان المصري أحمد حلمي: "للأسف بقت تتكرر كتير، يعنى اللحظات اللى بدأت من يوم 7 أكتوبر لأهلنا في فلسطين، لحظات محزنة جدا وعمرى ما عيشتها في حياتى، لأنك عاجز مش قادر تعمل حاجة بجد لحظة مميتة وأتمنى صمود الشعب الفلسطيني ينتهى بالنصر".

جت بالصدفة.. أحمد حلمي يروي قصة بدايته مع برنامج الأطفال

وتحدث الفنان المصري أحمد حلمي، عن بدايته مع الأطفال، قائلاً: "الأستاذة سناء منصور لها فضل كبير بعد ربنا في مشواري، ودخلته بالصدفة قابلت واحد صحبي شغال هناك كان بيشتغل في الإخراج، وقالى ما تيجي تشتغل في التليفزيون، فروحت واخدلي ميعاد عشان أقابل سناء منصور رئيس القطاع الفضائي".

وتابع الفنان المصري أحمد حلمي: "قعدت ساعتين تلاتة ومعرفتش أقابلها عشان كان عندها شغل واجتماعات كتيرة واخدت ميعاد تانى، وعرفتها إنى خريج ديكور وقالتلى طيب اشتغل يلا فعرفتها إنى عاوز اشتغل في الإخراج، وقالت لمحمد خلف صديقى، انزل معاه مساعد وهو كان بيخرج برنامج أطفال اسمه أحلام العصافير، فقالتله خده معاك يساعدك، وبدات أنزل معاه مساعد".

وأضافت الفنان المصري أحمد حلمي: "لغاية لما في أوردر مسكت الميكرفون وروحت متكلم مع طفل، والمصور صوره ومحمد خلف قالى نوريه لسناء منصور، ولما شافته، ضحكت كتير فانبسطت، وقالت أنا عايزة من الفكر دى 30 حلقة وكان شهر رمضان فاضل عليه أسبوعان فقط، فقلتلها ومين هيقدمه لإنى فاكر إنى هاخرجه، فقالتلى انت اللى هتقدمه ومحمد خلف هيخرجه".

واستكمل الفنان المصري أحمد حلمي: "بدأنا ننزل نصور بشكل مجنون مع أطفال كتير عشان نلحق نذيع 30 حلقة في رمضان، كنا بنروح أى حضانة واعمل أنا فيها زى المفتش، وادخل أعدى على كل فصل، وافتح واشوف الأولاد واشوف أكتر واحد هادي واخده بره أعمل معاه اللقاء، وكان أكتر حاجة بتبسطنى إن الأب والأم مش بيكونوا مصدقين إن ابنهم قال الكلام ده".

الفنان المصري أحمد حلمي: أنا الوحيد اللى عضنى حمار وتعرضت للتنمر من فنان قال عليا "ميكي ماوس"

وتحدث الفنان المصري أحمد حلمي، عن طفولته قائلاً: "كنت شقى جدا، كان عندنا حمار بعربة كارو دايما تحت البيت وفى مرة عضنى، وأعتقد إن ده الحمار الوحيد اللى في العالم بيعض، وروحت للدكتور وقالى أنا محدش قالى قبل كده إن عضه حمار".

وعن تعرضه للتنمر في طفولته قال أحمد حلمي: تعرض للتمنر بسبب "ودني" لإن وأنا صغير كنت بثنى أذنى وأنام عليها فبقى عندى "ودن" أكبر من "ودن"، وفى مرة كنت في فرح بنت خالتى على مركب راسية، وكان في فنان كلنا بنحبه فى الفرح، وأنا كنت في فترة إعدادى تقريبا، وروحنا عشان نشوفه وواقفين قدامه وبنضحك ببراءة كدة، وراح قال لصاحبة الحق ميكي ماوس".

وتابع الفنان المصري أحمد حلمي: "طبعا اضايقت جدا وعمرى ما نسيت الحكاية دى خالص، واتعلمت منها إن أي حد جاى يتكلم معاك بدافع الحب مش بدافع شيء تانى أوعى تجرحه بأى كلمة".

الموسم الجديد من البرنامج يتم عرضه حصريًا على قناة ‏"CBC" فى تمام التاسعة مساء يومى الخميس والجمعة من كل أسبوع ويستضيف نخبة من كبار نجوم الفن فى مصر والوطن العربى، ويجوب خلاله محمود سعد فى جميع محافظات الجمهورية بحثًا عن حكايات جديدة ومختلفة لأماكن وشخصيات ملهمة، بجانب تقديمه لعدد من الحفلات والليالى الغنائية المتميزة.

يتميز كل عرض من sold out بتجربة فريدة، حيث لا يتم تكرار العرض مرة أخرى ويعرض مرة واحدة فقط على أحد المسارح ليتم تغييره في العرض الذي يليه، وينقسم البرنامج sold إلى ثلاث فقرات رئيسية، وهي العروض الكوميدية Standup Comedy  ويقدمها محمد حلمي وعلاء الشيخ ويستضيفا أحد صناع المحتوى الكوميدي من الشباب، يليها فقرة يقدمها الإعلامي محمود سعد مع أحد نجوم الفن والغناء.