الفنانة عبير صبري تدعو لمقاطعة تطبيق أوبر .. تفاصيل
صرحت الفنانة المصرية عبير صبري، بأنه يجب تشديد الرقابة على شركة أوبر والعاملين بها، على خلفية تعدي سائق أوبر على فتاة جنسيا، ومحاولة خطفها في منطقة مدينة نصر بالقاهرة.
الفنانة عبير صبري خلال صفحتها على موقع فيس بوك
وأطلقت الفنانة عبير صبري من خلال صفحتها على موقع فيس بوك، مبادرة لإلغاء التطبيق الخاص بشركة أوبر بعد تكرار حوادث الاعتداء على الفتيات.
وقالت: أنا كتبت البوست ده وعاوزه نعمل حملة عشان مقاطعة أوبر أرجو انك تساعديني في نشر البوست بتاعي وطلبي إن البنات في مصر تعمل حملة لإلغاء الأبليكيشن ده لأنه أصبح خطرا علينا كلنا وممكن أي بنت وست فينا تتعرض لنفس مصير حبيبة والبنت بتاعت النهارده وغيرها.
وتابعت عبير صبري: هي أوبر دول مسؤولية مين؟.. يعني اللي بيشغلهم مين.. الكبير بتاعهم مين؟؟.. هل هما شركة بتشتغل مع نفسها كده بيزنس خاص يعني..وإذا كان كده فين الرقابه عليهم ؟ مفيش رقابة عليهم ليه؟؟
وأختتمت قائلة: ليه مفيش كاميرات في العربيات دي زي دبي في أي تاكسي ولا البنات هتفضل كل يوم يخطفوهم ويموتوهم ويتحرشوا بيهم وويعتدوا عليهم ويغتصبوهم ؟؟؟؟.. ازاي مفيش حل مع المجرمين دول لازم السواقين دول يكونوا تحت مسؤوليه وزاره الداخلية أقل شيء بعد الجرايم المتكرره دي ارجو ان تتضامن النساء في مصر للمطالبه بغلق هذا الأبليكيشن.
عبير صبري تعتذر عن عدم المشاركة في فيلم "5 محي الدين أبو العز"
اعتذرت الفنانة عبير صبرى عن المشاركة في بطولة فيلم "5 محيى الدين أبو العز" الذى انطلق تصويره الأسبوع الماضى، ويقوم ببطولته أحمد فتحى ونور قدرى ومصطفى أبو سريع وهاجرالشرنوبى ومحمد جمعة، تأليف ورشة كتابة مكونة من السيناريست أنيس بوجواري، والسيناريست محمد يونس، والسيناريست محمد عبد الخالق، وإخراج شادي علي.
وتعيش عبير صبرى حالة نفسية سيئة منذ وفاة شقيقها الوحيد أحمد صبرى يوم 3 يوليو الماضى، حيث توفى بشكل مفاجئ وتم تشييع جثمانه من مسجد السيدة عائشة، وعبرت عبير عن حزنها على فقدان شقيقها برسالة حزينة على حسابها بموقع انستجرام قالت فيها:"كل يوم بيعدي الحزن والبكا والجرح بيزيد مش بيقل يا حبيبي حاسة كأن روحي عاملة حادثة ومخبوطة ومرمية على الأرض مش قادرة اتحرك وبنزف حزن ومعنديش رغبه في أي شيء".
