أغنية «ولاد رزق 3» لـ إسلام شندي تتصدر قوائم Spotify
حققت أغنية "القاضية" للفنان إسلام شندي، التي قدمت لأول مرة في موسم العيد، ارتفاعًا بنسبة 12،150٪ على منصة Spotify منذ عرض فيلم أولاد رزق ٣، وتصدرت القوائم مثل أكتر 50 أغنية استماعًا في مصر على Spotify، منصة البث الصوتي عبر الإنترنت الأكثر شهرة في العالم.
الأغنية حققت نجاحًا ملحوظًا في عدة دول مثل مصر والمملكة العربية السعودية والولايات المتحدة والإمارات وألمانيا.
تفاصيل الأغنية
والأغنية من كلمات إسلام شيندي وحازم إكس، ألحان إسلام شيندي، توزيع أحمد توينز.
كلمات أغنية القاضية
إحنا أسود الأرض
ننحت في الصخر مانتعبش
نعدي البحر مانغرقش
لو كلنا الجو مانشبعش
لو كنت العو مابنخافش
نلعب بالنار مانتلسعش
ملوك الضرب ماتراجعش
عن حقنا مانتنازلش
مع الأشبال مانتعاملش
عشان إحنا ولاد رزق
مايتخافش علينا
عشان إحنا بيتخاف مننا
هنا أو هنا أو هنا أو هنا
دور مش هتلاقي زينا ياا
مايتخافش علينا
عشان إحنا بيتخاف مننا
هنا أو هنا أو هنا أو هنا
أسود الأرض ولينا اسمنا ياا
لو بطلت نيجي ندورها
لو ضلمت نيجي ننورها
قيمة وقامة ولينا طلة
أبطالها عشان عارفين أسرارها
دخلتنا ترعب الوشوش
لكل دول عاملين حدود
فلو جريت جري الوحوش
مش هتفلت من الأسود
مايتخافش علينا
عشان إحنا بيتخاف مننا
هنا أو هنا أو هنا أو هنا
دور مش هتلاقي زينا ياا
إحنا جينا نعمل شغب
كله شافنا اتخض قلب
عملنا فلوس ترص جبل
ده التراب في إيدينا دهب
مش جايين وإيدينا فاضية
لا جايين نديكوا القاضية
عينا دايما على القمة
عشان كده بنعمل عظمة
فيلم ولاد رزق 3- القاضية
فيلم ولاد رزق 3- القاضية بطولة أحمد عز، وعمرو يوسف، وآسر ياسين، ومحمد ممدوح، وكريم قاسم، وعلي صبحي، وسيد رجب، ومحمد لطفي، ونسرين أمين، وأسماء جلال، وأحمد الرافعي، وضيوف الشرف: كريم عبد العزيز، وأحمد فهمي، ورزان مغربي، وفيدرا، والفيلم من تأليف صلاح جهيني، وإخراج طارق العريان، وإنتاج شركة RAW Entertainment بالتعاون مع Synergy Films و Film square.
وتدور أحداث فيلم ولاد رزق 3 - القاضية، بعد مرور سنوات وانفصال الإخوة في طرقهم المختلفة بالحياة، إلا أنه في يوم من الأيام، يعود شبح من الماضي ليلقي بظلاله على "ولاد رزق"؛ ما يجبرهم على العودة إلى حياة الجريمة والسرقة مرة أخرى حتى ينجوا بأنفسهم، في عملية مصيرية هي الأكبر والأخطر والأهم في تاريخ ولاد رزق.
أحداث فيلم ولاد رزق 2
ولاد رزق 2 فيلم أكشن مصري من إنتاج سنة 2019. الفيلم من إخراج طارق العريان، وتأليف صلاح الجهيني، وإنتاج سينرجي للإنتاج الفني، ومن بطولة أحمد عز، وعمرو يوسف، وأحمد الفيشاوي، ومحمد ممدوح، وأحمد داود، وكريم قاسم.
تبدأ قصة فيلم ولاد رزق 2 بعد مرور 3 سنوات منذ إنتهاء أحداث الجزء الأول، حاول فيهم الأخوة الأربعة بشتى الطرق الحفاظ على العهد الذي قطعوه على أنفسهم بالأبتعاد عن حياة السرقة والجريمة، لكن حدث واحد يطرأ على حياتهم يغير كل ذلك ويدخلهم في عوالم جديدة عليهم ويضعهم في مواجهات شديدة الخطورة مع عدد من المجرمين المحترفين.
