الفنانة شرين عبدالوهاب تطرح أحدث أغانيها "قالك نسيني"
طرحت الفنانة شيرين عبد الوهاب أحدث أغانيها بعنوان "قالك نسيني" عبر حساباتها في مواقع التواصل الاجتماعي.
أغنية "قالك نسيني" من كلمات تامر حسين وألحان مدين، وتشارك ابنتها هنا في كورال الأغنية.
وتقول كلمات الأغنية:
قالك نسيني قال ونسيني اللي بينا
قال لولاد الحلال قال لأصحاب ما بينا
إن الموضوع نسيه قالك راحت عليه
هيمثل ولا إيه؟ وسعت منه سنه
قالك نسيني نسيني قااال
قالك نسيني نسيني لا دا خيال
عايزني أغير عليه عايزني انتبهله
عايزني اهتم بيه يجي على مهله
واخد الموضوع هزار
وده جوا منه نار
وفي حالة انهيار
وأنا بتجاهله
بيقول في بعدي إيه
عيده تاني يلا
ده كلام بضحك عليه
في اليوم 1000 مرة
لأ كان دمه خفيف
والله كان ظريف
قضاله معايا صيف
ما علينا يالا
شيرين عبدالوهاب تكشف أسرارًا عن هيفاء وهبي: «اشترتني طول عمري»
وفي وقت سابق، كشفت الفنانة المصرية شيرين عبدالوهاب أسرارا عن علاقتها بالفنانة اللبنانية هيفاء وهبي، بعد دعم الأخيرة لها وتهنئتها بطرح أغنيات جديدة.
وكتبت شيرين عبدالوهاب على حسابها الجديد عبر منصة "إكس"، منشورا مطولا حكت فيه بعض مواقف هيفاء وهبي خلال محنتها الأخيرة، وكيف قدمت لها الدعم، موضحة أنها لم ترد عليها لأنها باركت لها على الأغاني فقط.
وقالت الفنانة المصرية شيرين عبدالوهاب: "النجمة هيفاء وهبي عملت معايا مواقف جدعة أقرب الناس ليا ما عملتهاش علشان نفسيتي تبقى أحسن، كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي ويخسسوني".
وأضافت شيرين عبدالوهاب: "هيفا أثبتت إن الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللي شفتها في الوسط الفني.. هيفا بموقفها ده اشترتني طول عمري وهفضل لحد ما أموت ممتنة ليها ولوقفتها معايا في الوقت ده".
وشرحت: "الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستني إن ليا أخت فعلا شكرا يا هيفا يا حبيبتي.. وياريت ياريت في مصر لو في مشاكل أنا بناشد أي حد إن الست دي طيبة جدا جدا متستاهلش إلا كل خير".
وهنأت هيفاء وهبي قبل يومين شيرين عبدالوهاب عبر حسابها الرسمي على "إنستجرام"، قائلة: "ألف مبروك حبيبي اللي نور مكانه الصح، والفراغ اللي محدش يعرف يملاه"، وأرفقت تهنئتها بأسماء الأغنيات الثلاث التي طرحتها شيرين "هنحتفل" و"اللي يقابل حبيبي" و"بتمنى أنساك".
وخلال الأيام الماضية، طرحت شيرين عبدالوهاب أغنيتين جديدتين هما: "بتمنى أنساك"، من كلمات وألحان عزيز الشافعي، وتوزيع توما، وأغنية "اللي يقابل حبيبي"، من ألحان عزيز الشافعي وكلمات تامر حسين، وتوزيع توما.
وعادت المطربة المصرية شيرين عبدالوهاب وطرحت بعدهما أغنية "هنحتفل"، من كلمات تامر حسين، وألحان عزيز الشافعي، وتوزيع توما.
