الفنان المصري سامح حسين يوضح حقيقة مطالبته بإلغاء الإجازات في العيد
قدم الفنان المصري سامح حسين، توضيحا بشأن تصريحاته حول إلغاء الإجازات في الأعياد، وذلك بعد الجدل الذي أثارته عبر مواقع التواصل الاجتماعي أمس الاثنين.
وكتب سامح حسين عبر حسابه الشخصي على موقع التواصل الاجتماعي "فيسبوك": "جمهوري الحبيب، كل سنة وأنتم طيبين وبخير، بناء على طلبكم، والناس اللي طلبت تفسير لموضوع إني بطالب بإلغاء الإجازات في الأعياد، الكلام ده طبعا غير حقيقي بالمرة، أنا زيكم بحب الإجازة وبحب زيكم اشتغل بإخلاص زي كل واحد في مجاله".
وتابع: "الإجازة دي نعمة من ربنا نشحن من خلالها قوتنا لمواصلة مشوار الحياة، كل الموضوع إني اتمنيت إن أعياد مصر وأفراحها تزيد وتكتر وساعتها مش لازم ناخد الأعياد الجديدة دى كلها إجازة، لكني لم أقصد أبدا إلغاء الإجازات الرسمية، وعلى فكرة إحنا بنحب الإجازة علشان بنشتغل، أي حد جرب قلة الشغل مش هيحب الإجازة، الشغل نعمة ربنا يديمها علينا ويعين كل واحد على حاله ويكرمنا جميعا ويرزقنا الخير.
واختتم كلمته قائلا: "يارب حياتكم تكون كلها أعياد وفرحة".
ومن ناحية أخري كان، عبد الرحمن هيبة، كاتب ومؤلف برنامج "قطايف"، الذي تم عرضه خلال شهر رمضان/ رد على منتقدي الفنان سامح حسين بسبب تصريحاته في احتفالية عيد الفطر، بحضور أبناء الشهداء من القوات المسلحة والشرطة المصرية، والتي قال فيها: "احنا شعب أبهر العالم بقدرته العجيبة على الضحك في أصعب المواقف وربنا خلقنا كده بنحب الضحك والفرحة، والعيد فرحة، ويا رب يكتر أفراحنا، بس مش ضروري نأخذ كل الأعياد دي إجازات وورانا شغل كتير أوي".
وقال "هيبة"، في دفاعه عن الفنان سامح حسين على حسابه بموقع التواصل الاجتماعي "فيس بوك": "كلمتين لوجه الله وللمهتمين بالحقيقة والإنصاف، طول الشهر والناس بتنتقد سامح حسين وبتقوله اتكلم عن غزة، ولما طلع اتكلم عن غزة في مجمل كلامه عن الشهـ.ـداء قدام رئيس الجمهورية في يوم العيد، الناس سابت كل حاجة قالها ومسكت في إفيه رماه عشان يكسر جدية الموضوع (بما إننا في العيد يعني) وهووووب هات الراجل اللي طلعناه السما طول شهر رمضان عشان ننزله الأرض دلوقتِ في العيد".
وأضاف: "كل اللي الراجل قاله ربنا يكتر أعيادنا (يعني يرزقنا بأيام جميلة نحتفل بيها طول السنة) ومش لازم ناخدها كلها إجازات، دا إفيه أقصى هجوم ممكن توجهه ليه إنك تقول عليه ما بيضحكش، أو إفيه قديم، لكن إني أشوف كل التقطيع دا في الراجل، وسب وطعن ولعن، علشان هزر بكلمة (والهزار بالمناسبة كان في سياقه الطبيعي) فدا تحفز أنا مش فاهم سببه بصراحة".
وأوضح: "هعمل أكتر حاجة بكرهها في حياتي يا جماعة للمرة التانية وهشرح إفيه اتقال على سبيل الهزار، والهزار فقط وانا شاهد على الكلام دا وربنا يعلم اني بقول الحقيقة"، مضيفًا: "سامح ما كانش يقصد أننا نلغي الإجازات ولا أي حاجة من الكلام اللي بشوفه طول النهار دا، سامح كان بيقول ربنا يكتر أعيادنا، ومش لازم ناخدها كلها إجازات، يقصد الأعياد اللي لسه هتكتر، اللي بيتمناها، مش الأعياد الحالية".
برنامج قطايف
ونجح الفنان سامح حسين في جذب الجمهور المصري والعربي إلى برنامجه «قطايف»، الذي يقدم محتوى غنيا يعكس جوهر الثقافة المصرية العريقة.
يُعرض البرنامج يوميا في العاشرة مساءً عبر منصات التواصل الاجتماعي الخاصة بالفنان، حيث حققت حلقاته السابقة ملايين المشاهدات.
يتناول «قطايف» عددا من القضايا الاجتماعية والقصص الإنسانية بأسلوب بسيط، مع تقديم نصائح تهدف إلى تعزيز الوعي الثقافي والمعرفي لدى المشاهدين، وذلك في إطار مدة زمنية قصيرة لا تتجاوز 7 دقائق.
