“كان نفسي أطلع طيار”.. الرئيس السيسي يكشف عن حلم الطفولة في احتفالية “قادرون باختلاف”
كشف الرئيس المصري، عبد الفتاح السيسي، عن حلم طفولته، وذلك أثناء احتفالية “قادرون باختلاف، لأصحاب الهمم وذوي القدرات الخاصة، قائلا: “كان نفسي أطلع طيار”.
أجرى البطل علي أحمد بطل الجمهورية فى ألعاب القوى والحاصل على 49 ميدالية مختلفة، محادثة مع الرئيس السيسي، خلال احتفالية قادرون باختلاف، وسأل الرئيس عبدالفتاح السيسي، عن أصعب وأسعد لحظة.
ورد الرئيس السيسي قائلا: “أصعب لحظة اللى حسيت فيها إن بلدنا ممكن تروح، ويا علي أحيانا يكون فهمك مش كده يعذبك لو انت بتفهم وتعرف قوى ممكن تتعذب قوي لانك هتشوف حاجات محدش هيعرفها غيرك، أصعب لحظة طب ليه خفت، خفت على ناسي وأهلى وكل الناس اللى موجودة في مصر عددنا كبير وظروفنا صعبة فلو البلد راحت الناس دي هتروح فين؟.
وعن أسعد لحظة قال الرئيس: “لسه مجتش، هو الحلم اللى أنا بحلمه لبلدي برضه، بيكم وبمصر والمصريين والشباب والكبار وبقادرون باختلاف اللى بعول بيهم أمام الله وبقسم بيهم أمام الله أنه يساعدنا”.
وتحدثت الطالبة نورهان، أول بطلة تزلج على الجليد ولاعبة سلة وعارضة أزياء ومن القادرين باختلاف، مع الرئيس عبد الفتاح السيسي، قائلة: “منورة يا سيادة الرئيس.. وسؤالى إيه أكثر أمنية شخصية؟.. وإيه أكثر أمنية تتمنى لها للبلد”.
ورد عليها الرئيس عبد الفتاح السيسي، قائلا: “أمنيتي الشخصية أن ربنا يرضى عنى.. دى أمنية عزيزة أوى.. ربنا عظيم السماوات والأرض.. صاحب الكون كله.. صاحب الملك كله.. يرضى عنى.. ياريت.. دى الأمنية الشخصية”.
وتابع الرئيس السيسى: “أنا بحلم لبلدى.. وبحلم بيها.. وإحنا مشينا خطوة من ألف.. فاضل خطوة من ألف يعلمها المصريين”.
وقالت الطالبة نورهان إن أمنيتها الشخصية: “نفسى أكون مذيعة ممثلة وعارضة أزياء.. محدش يقول ذوى إعاقة.. إحنا القادرون باختلاف ونفسى أكون ممثلة”، ليرد عليها الرئيس السيسي: “أستاذ أشرف عبد الباقى عنده مسرح كتير.. طب يلا بقى.. ونشوف حاجة لنورهان”.
