شيرين تثير الجدل: “حسام راجل وسيد الرجالة”
علقت الفنانة شيرين عبد الوهاب، على طلاقها من حسام حبيب قائلة: “أنا بتكلم مع الناس بلغتي في الغناء أنا عمري ما شفت واحدة بتطلق والناس بتباركلها كده كأني راجعة من الحجاز”.
سبب طلاق شيرين
وتابعت شيرين خلال لقاء مع الإعلامي عمرو أديب في برنامج الحكاية: “أنا كده وهفضل كده وهفضل قوية، أنا مش بتظاهر بالقوة الموضوع عدى خلاص انتهى خلاص وأكتر حاجة مقوياني إني بعترف إن لسه أهوه في حاجة.. أنا قولت من الأول العلاقة دي لا تصلح لازم يكون في شوية عقل، صعب إن واحدة تتجوز لتالت مرة ويكون الفرق بينها وبين جوزها سنة ولازم يكون في فرق على الأقل 5 أو 6 سنين حسام راجل وسيد الرجالة كمان.. الحتة الناقصة كانت في عقلنا”.
وأكملت: “كان لازم يكون في فرق بيني وبينه علشان يبقى في شوية عقل علشان كده بنتي لما جت تلوم عليا في يوم من الأيام قولتلها حبيبتي أنا بتربى معاكم وحسام بيتربى معانا والدنيا تستاهل نجرب ونحاول والأمومة دي حاجة كبيرة ومش هسيب لعيالي فلوس هسيبلهم حب”.
