حلا شيحة تهاجم والدها: “معز عمره ما كان بتاع ستات”

ردت الفنانة حلا شيحة، على تصريحات والدها التي هاجمها فيها، وذلك بعد حرب التصريحات الدائرة بسبب فيلم “مش أنا”، مع الفنان تامر حسني.

صدمة حلا شيحة

وكتبت شيحة عبر منشور لها على حسابها الشخصي عبر “إنستجرام”: “الحقيقة مصدومة من الكلام اللي والدي قاله عن زوجي اللي اتجوزته بكامل إرادتي، والحمد لله لقيت معاه كل المعاني الجميلة من احترام ورجولة وشهامة نادرة الأيام دي وأنا لم يخطفني أحد كما قال والدي والكلام ده لا يصح أبداً، أنا بحب زوجي وسعيدة بحبه ليا وبنحترم بعض ومعز بيحترم رأيي، وبيقدر مشاعري وبالعكس هو دائما بيهدّيني. وطبعا بيساندني ويشجعني لأني زوجته و حبيبته”.

افتراءات مش صحيحة

وأكملت شيحة: “وهو أكبر بكتير من كل الكلام اللي بيتقال عليه وافتراءات مش صحيحة وهو أبعد ما يكون عنها لن أسمح لأحد الكلام عنه ولن أسمح بأي تصور خاطئ عنه بأي شكل من الأشكال، معز طول عمره له رؤيته الواضحة في الدين وحتى في الفن، وهو ليس مع أي جماعة أو فئة معينة هو يمثل نفسه وله أفكاره وآرائه العلمية والدينية المختلفة الجميلة وليس لأحد أن يصنفه أو يضعه في أي قالب فقط، لأن هواه لا يوافق ما يمثله معز هو في إيه في بلدنا الأيام دي بنحارب ونصارع في بعض وعايشين في قصص وهمية من نسج خيالنا عن بعض”.

الحديث بلغة الدين

وأردفت حلا شيحة: “هو خلاص أي حد يتكلم بلغة الدين لازم يبقي متطرف أو إخواني هو مبقاش في مسلمين وسطيين طبيعين هو ليه كل أنواع الهجوم ده على أي حد”.

“مش بتاع ستات”

وأكملت شيحة قائلة: “أنا زعلانة من والدي جداً لأنه يعرف معز كويس جدا وقعدوا مع بعض كتير ووالدي يحبه جدا وشاف منه كل خير، معز زيي اتجوز 14 سنة من عمره وكان مستقر في حياته وعنده ثلاث أولاد ربنا يخليهمله جمال ما شاء الله وعمره ما كان بتاع ستات زي ما بيتقال كلام لا يليق أبدا وفي الآخر زيي لم يكمل جوازه وحدث الطلاق وكلنا معرضين لده طبيعي إنه كان بيحاول زي أي راجل محترم إنه يلاقي استقرار في حياته في الحلال ومتوفقش أكتر من مرة، ودي مش حاجة تعيب أي حد”.

وأنهت حديثها: “الحمد لله اتقابلنا وتلاقينا لأن ظروفنا قريبة جدا وعندي أولاد مثله، وأولادنا شبه بعض الحمد لله واستقرينا إحنا الاتنين، ليه ده يزعل الناس بدل ما ندعي لبعض بالخير بقينا نتصيد لبعض، ونخوض في أعراض بعض هو حصل في مجتمعنا ده إحنا جرالنا إيه”.