الرئيس السيسي للمصريين: التغيير ليس بالهدم بل بالعمل والكفاح والصبر
وجه الرئيس عبد الفتاح السيسي، رسالة للمصريين خلال مؤتمر "حكاية وطن.. بين الرؤية والإنجاز"، قائلا: "لما تيجي تجد مستوى مش عاجبك.. أوعى تقول الحكومة بتعمل إيه وأوعى تقول وزير الصحة بيعمل إيه.. ده مش معناه إننا بنقبل التهاون.. لا، لكن اعرف إنك انت وانت بتقول اللي شايفه ده، علشان تغيره لازم تبقى مع مصر، يعني مزيد من العمل، يعني لما أغني الناس هقدر أحسن كتير من اللي مش عاجبنا دلوقتي".
مؤتمر "حكاية وطن.. بين الرؤية والإنجاز"
وتابع الرئيس السيسي في كلمته: "أوعوا تفتكروا ده ممكن يتغير بإنك تهدها، اللي انت شايفه ده مش هيتغير إلا بالعمل والكفاح والصبر ويمكن يكون الحرمان كمان، كل المستشفيات الكبيرة اللي إحنا عملناها بما فيهم المدينة الطبية بمعهد ناصر، بنعرضها للقطاع الخاص، إحنا هنشتري منهم الخدمة بتاعتهم وهما هيديروها لصالح فئات داخل مصر وخارج مصر".
وأضاف الرئيس الصحة: "الدكتور خالد عبد الغفار من الناس الشاطرين، كان بيجي يعرض عليا وهو وزير التعليم العالى و كان شاطر جدا، عنده قدرة على تسويق فكرته جيدا، و بقول بالأفكار.. مادام لقيت الزميل اللي معايا بيقول هياخد دعم أقصى ما عندي، لأنها في النهاية لصالح البلد".
وقال الرئيس السيسي، عن مسار الأفكار الجديدة:"هقول حاجتين تعليقا على المسار والفكرة وهأقولكم على الكلام ده من باب التجربة.. فيه فرق بين الفكرة وتنفيذها.. الدكتور زويل الله يرمحه جالي في 2014 وقال عاوز أعمل جامعة زويل قلتله إيه المطلوب مني؟ قال ولا حاجة أنا بس عاوز الهيئة الهندسية هي اللى اتنفذ، قلتله يا دكتور زويل هل تضمن تبرعات إقامة الجامعة؟ قال طبعا.. وكان ساعتها المبلغ اللى معاه حوالى 500 مليون جنيه، والبرنامج بتاع الجامعة ضخم قوي، قلتله يا دكتور زويل أنت هتعتمد في الفكرة على تبرعات الناس.. أيا كان الناس اللى و عدوك.. مش كل فكرة لازم تنجح إلا لما تكون عارف كويس هتعمل إيه، و تصر على إنك تنجحها ما تسيبهاش.. و قدر الله وحصل اللى حصل يبقا الهيئة الهندسية تكمل المشروع.
