لهذا السبب.. انسحاب أحمد الفيشاوي من ثالث أجزاء "ولاد رزق"
تحدث الفنان أحمد الفيشاوي، عن السبب وراء انسحابه من فيلم "ولاد رزق 3"، مؤكدًا أنه اعتذر عن المشاركة في الجزء الثالث من الفيلم بسبب انشغاله في تصوير فيلمه الجديد "السيستم".
وأضاف خلال لقائه ببرنامج "ع المسرح" المذاع على قناة "الحياة":"مش صحيح إني انسحبت من فيلم ولاد رزق 3، لما حسيت إن عمرو يوسف بيتنجم عليا ودي إشاعة وفي نفس الوقت انهم كان لازم يصوروا وانا كنت مشغول بفيلمي".
وتابع:"مفيش أي خسارة بالنسبة لي إن مشاركتش في فيلم ولاد رزق 3، ومش ندمان علي عدم مشاركتي بالعمل".
نسرين طافش: أحمد الفيشاوي من أرقى الشخصيات
صرحت الفنانة نسرين طافش، فى لقاء صحفي حول كواليس تصوير فيلم "بنقدر ظروفك" عن شخصيتها والأحداث التي تدور في الفيلم.
وقالت نسرين طافش:" واحد من أجمل النصوص اللى اتعرضت عليا الفترة الحالية معمول بطريقة ذكية جدا مطرقع ولذيذ ودمه خفيف وعميق بنفس الوقت وليس سطحى هو لايت كوميدى و عميق في نفس الوقت و بيكلم عن فكرة مهمة جدا الازمات الاقتصادية التي نمر بها وازاى كل شخصية هتتعامل معها بشكل لايت".
وتابعت:"مبسوطة بالشغل مع أحمد الفيشاوى هو حد لذيذ وشريك جميل جدا وده تانى فيلم لينا سوا وإن شاء الله ميبقاش آخر شغل لينا سوا هو حد مريح في الكواليس جدا ومن أرقى الشخصيات اللى قابلتها لذيذ جدا و مرح و بيحب يسعد الناس اللى حواليه."
أبطال فيلم "بنقدر ظروفك"
وانتهى نجوم وأبطال فيلم "بنقدر ظروفك" من تصوير عدد من مشاهد العمل في كلوب محمد علي بكورنيش المنيب.
وجمعت المشاهد التي تم تصويرها النجوم أحمد الفيشاوي ونسرين طافش ومي سليم ومحمد محمود وعارفة عبد الرسول ومحمود حافظ ويوسف وائل نور ويوسف الأسدي.
الفيلم بطولة النجوم أحمد الفيشاوي ونسرين طافش ومي سليم ومحمد محمود وعارفة عبدالرسول ومحمود حافظ وطاهر أبو ليلة ويوسف وائل نور ويوسف الأسدي وإبرام سمير، ومشرف عام على الفيلم محمد علاء، ومدير مشروع سالم زعزع، ومنتج فني محمود سامي، ومن تأليف سمير النيل، وإخراج أيمن مكرم.
