فيفي عبده تكشف عن وصية «صادمة» لأسرتها بعد موتها
كشفت الفنانة المصرية الشهيرة «فيفي عبده»، خلال تصريحات تلفزيونية لها، عن وصية «صادم» أوصتها لعائلتها في حال موتها، حسبما أفادت وسائل إعلام مصرية، اليوم الجمعة.
وقالت فيفي عبده كاشفة عن وصيتها: "أنا قُلت لأولادي لو مُت سيبوني يومين برة، لما تتأكدوا أني خلاص مت فعلا، لأن ممكن أكون في غيبوبة سكر ولا حاجة".
وأضافت فيفي عبده: "أنا كل يوم بدعي ربنا يطول في عمري، لأني بحب الحياة وللأسف مشوفتهاش غير لما كبرت، عمري ما شوفت الدنيا وأنا مبسوطة، أنا مريت بتجربة صعبة زي المرض.. المرض بيخوف وغدار.. ربنا يحفظنا".
وأشارت إلى الأمن والأمان في مصر قائلة: "والله العظيم دايما بقول بسم الله ما شاء الله، علشان مصر متتحسدش على الأمن والأمان اللي في البلد، الحمد لله.. عمار يا مصر.. عمار يا مصر.. إحنا في دولة عظيمة ربنا يحفظها ويحفظ الرئيس".
تصريحات جريئة من المصرية فيفي عبده: «بيتقدملي عرسان كل يوم»
خرجت النجمة المصرية فيفي عبده، خلال استضافتها بأحد البرامج الحوارية على قناة مصرية، بتصريحات وصفها البعض بالجريئة وتتطرقت للحديث عن الزواج وما تفضله في الزواج، موضحًا أن جميع الأزواج لديهم نزوات ويخانون الزوجات.
وتابعت: الرجالة كلها بتخون واللي تقول مش بيخون وماشي على الصراط المستقيم مش صحيح، ولابد يكون الراجل عنده نزوات وبتبقى قمر وتتخان والمفروض تعمل نفسها مش عارفه.. أن الست لو واجهت الراجل بخيانته أكبر غلط لها في الحياة.
وشددت على أن الحياة دلوقتي صعبة ونسبة الطلاق عالية جدا وهي حقها تفتش وراها وحقه يخلي باله من مراته ولكن الست لازم تفهم ولو عرفت أنه بيخونها تطنش، مضيفة: "الراجل لو بيحب مراته يبيع أي حاجة في الدنيا عشانها لكن هي لازم تستحمل وتعدي، وكان في ناس تحاول تشككني في جوزي ولكن مكنتش بعطي فرصة لكده".
وردت النجمة فيفي عبده، على انتقاد الموجهة للنجمات كبر السن التي تقرر الزواج في سن كبيرة، قائلة: "هي الكبيرة متتجوزش وليه الكبيرة متتجوزش والناس المفروض متنتقدش، وفي ناس بتبقى محتاجة ونس في البيت واللي يجيب الونس الارتباط وفي ناس بتربي حيوانات ولما يكون معاك انسان تتكلم مع حد غير أنك كبرت وخلاص".
