ياسمين صبري: الفلوس حلوة وجميلة والرسول قال خدوا الجنتين .. تفاصيل
صرحت الفنانة ياسمين صبري: "ذكر عن الرسول صلى الله عليه وسلم، أنه قال خدوا الجنتين جنة الأرض وجنة الآخرة، ومين قال إن الإنسان القريب من ربنا والطاهر والكويس اللي ما بيأذيش حد يعيش زاهد في الحياة ويقول كله هاخده في الجنة، لأ دي هي جنتين".
وأضافت خلال لقائها ببرنامج "بيج تايم بودكاست" الذي يقدمه الإعلامي عمرو أديب بقناة "إم بي سي": "الفلوس حلوة وجميلة لما تيجي بسلاسة من غير جري الوحوش من غير ما تبقى هوس وهدف لإن لو بقت هدف وما جتش هيبقى الإنسان محطم وكدا غلط، هي تيجي تمتعني وبأجمل وأنقى الطرق".
وأضافت ياسمين صبري: "كياني يضيف لأي راجل أنا معاه ما ياخدش منه وكل شيء اشتغلت عليه وبنيته سمعة أسلوب وطريقة وعدم وجود أخطاء يضيف لأي شخص هيجوزني لإني ست متحفظة في لبسي وطريقتي وأسلوبي وأفلامي وتمثيلي وظهوري وفي كل شيء والرجل الشرقي يعشق هذه الست".
بسمة بوسيل تعلن عودة علاقتها بالفنان تامر حسني
قالت الفنانة بسمة بوسيل: "لما جيت مصر تقريبا كل أحلامي اتحققت، لقيت حب حياتي وفي نفس الوقت كنت بعمل ألبوم مع محسن جابر بس حسيت ساعتها إني عايزة اتجوز اكتر، وحبي لتامر حسني كان أكبر من الغناء".
وأكملت "وافقت إن ألبومي مينزلش لإني لما أعلن زواجنا أنا وتامر حسني كان هناك حملات غريبة على الإنترنت وقتها تامر كان من باب الحماية وإن محدش يتكلم عني بطريقة مش كويسة نعطل خروج الألبوم، وانا كمان كنت خايفة من نزول الألبوم".
الفنانة المغربية بسمة بوسيل تتحدث عن الخيانة
وتابعت الفنانة : "صعب الخيانة بالنسبة لي ومقدرش اغفرلها، أنا بحب العيلة ونفسي طول الوقت يبقى عندي أسرة وخلفت أول طفل وعمري 21 سنة، بس الخيانة صعبة على الواحد".
وأضافت خلال لقائها ببرنامج "ع المسرح" المذاع علي قناة "الحياة": "كتير جدا وانا متعصبة اخبط حد غير تامر حسني بعصبيتي وانفعالي، منهم واحدة كانت علي الملأ وناس كتير قالت ليه تنكدي علي واحدة ليلة فرحها بس هي تستاهل وقلت لها يا خرابة البيوت وما زلت عند رأيي، وأنا صريحة جدا واكره الغدر، والإنسان الغدار بالنسبة لي أقل من الصرصار، ولما خش وسط عيلة وبيت اخش بخيط ابيض كده وأبقى أمينة وعندي أمانة بس خرابة البيوت معملتش كده ومكنش فيه الأمانة وكأننا دخلنا أفعى بيتنا وهي بالفعل كانت كالأفعى"- في إشارة إلى هالة عمر مساعد تامر حسني.
