منصة Netflix تطرح الموسم الثاني من مسلسل البحث عن علا

طرحت منصة Netflix اليوم ٢٦ سبتمبر حلقات الموسم الثاني من مسلسل البحث عن علا كاملة، ويتكون مسلسل البحث عن علا 2 من ٦ حلقات تكشف التطورات الجديدة التي حدثت لعلا وأسرتها.
 

منصة Netflix تكشف عن ذهاب هند صبري إلى فرنسا

وكشفت منصة Netflix عن تصوير أجزاء من مسلسل البحث عن علا 2 في باريس عاصمة فرنسا.

ونشر الحساب الرسمي لمنصة Netflix على موقع تبادل الصور انستجرام، صورا تكشف سفر هند صبري “علا” إلى فرنسا برفقة ظافر العابدين الذي انضم حديثا للموسم الثاني من المسلسل.

وتم إرفاق تعليق من قبل حساب المنصة على الصور “علا عبد الصبور في فرنسا؟”، وعلقت هند صبري على الصور قائلة بالفرنسية “ لم لا؟ ليست إيميلي وحدها” في إشارة إلى مسلسل نتفليكس الشهير “إيميلي في باريس”، ليرد عليها حساب المنصة “شكل فرنسا هتنور ولا ايه؟”

ويشارك في بطولة مسلسل البحث عن علا في موسمه الثاني إلى جانب هند صبري كل من سوسن بدر، هاني عادل، ندى موسى، محمود الليثي، طارق الإبياري، ظافر العابدين، وإخراج هادي الباجوري.

وكشفت الفنانة هند صبري عن دورها في المسلسل الجديد قائلة: "أنا مشرفة على كتابة الموسم الثانى من البحث عن علا، لأن أنا دايمًا بحس أن علا جزء منى، أنا عارفة تفاصيلها كويس، وعارفة بتفكر إزاى وهتتصرف إزاى دايمًا، وهى أقرب شخصية ليا من كل اللى قدمتهم، أنا بقالى سنتين ونص تقريبًا عايشة مع علا".

وأضافت هند: "علا مشتتة زى، وغالبًا كلنا مشتتات، وعلشان كده كان في الكتابة عندى شوية محاور مكنتش عايزة منعالجهمش في البحث عن علا سواء الموسم الأول أو الثانى، والحمد لله في الأول ده حصل وإن شاء في الثانى لما تشوفوه ده حصل، والحقيقة أنا كـ هند تعبت من التشتيت، فـ الحمد لله أنى عندى مكان أترجم فيه إحساسى وعلا هي الترجمة بتاعتى كل سنتين أحط مشاكلى في موسم جديد منها".

وأكدت هند صبري: "أنا فاكرة كويس كنت مسافرة الساحل سنة 2009، واشتريت قصة قصيرة والغلاف بتاعها أخضر مكتوب عليه "عايزة أتجوز"، أشترتها وعلى ما وصلنا الساحل كنت خلصتها، وطول الطريق وأنا بضحك بصوت عالى، وجوزى وهو سايق بيقولى في إيه وأقوله مش معقولة، لقيت مكتوب اسم المؤلفة غادة عبد العال، ومكنتش عارفة هوصلها إزاى، وكان المنتج طارق الجناينى ساعتها اتفقنا نعمل مسلسل سوا، فكلمته قولتله، وبدأت الرحلة من هنا، والمسلسل ده منجحش في وقتها بسبب طريقة تصويره اللى ناس كتير اتريقت عليه وقالوا عليها شخصية أوفر في وقتها، دلوقتى الناس بتنام عليه".

وتابعت هند: "الشغل على البحث عن علا متعب أكيد لأن أنا بلبس كذا كاب في المسلسل هنا، سواء الإشراف على الكتابة أو أنى منتجة منفذة بالإضافة لأنى ممثلة كمان في المسلسل فده صعوبته وحلاوته في نفس الوقت، لأن انا دايمًا ورايا حاجات، من التصوير للمونتاج لـ اختيار الموسيقى مع خالد كمار، وكمان بنختار أغانى لأن الموسم الثانى في أغانى زى الموسم الأول، لازم تبقى ليها بصمتها".