المذيعة المصرية سالي عبد السلام تعلن فقدان توأمها
أعلنت المذيعة المصرية، سالي عبد السلام وفاة توأمها، في بوست نشرته عبر حسابها الشخصي بموقع فيس بوك، وقالت: "قدر الله وما شاء فعل، من كام يوم، وده بعد سنتين انتظار التؤام اللى كان نفسى فيهم أوى يا رب، سنتين صبر وأنت مفيش قدامك غير الصبر زى أى رزق، والحمد لله إن اختبارى كان فى الصبر وبس مش أكتر وكنت طالباها تيجى من عند ربنا خالص ومن غير تدخل دكاترة".
وأضافت: "الحمد لله على نعمة الأخذ بعد العطاء، يا رب فقدت أغلى ما ليا، واللى كان هيكون ليا، الحمد لله، قدرى الحمد لله، انا بكتب الكلام ده عشان يمكن حد يتعلم!!! كل حد قالى وقال عليا مش عايزة تخلف عشان خايفة على جسمها وشغلها.. وكانت أوحش حاجة سمعتها فى حياتى (وهم لا يعلمون شيئاً)".
وأضافت سالي في البوست: "عشان كل حد بيضغط على اللى قدامه وفاكر إنه حقه وده لا يحق له عشان المفروض إنه قريب أو معتبر نفسه كدة ومش من أهله أصلاً ولا يحق له، ويحسسهم إن وراهم تارجت يا إما هيكون منبوذ منهم وهنسود عيشتك بسؤالنا كل شهر ونضغط عليك مع إنهم مش هيشيلوا أصلا ومحدش هيشيل غيرك".
وتابعت: "اوعى تقولى إنك حامل وخافى من العين وأى كلام فى الموضوع ده بالذات!!! أهه مقولتش وبرضه محصلش ومع احترامى ليهم العروسة بتخلف ده مش إنجاز، كلنا تعبنا وبنتعب ومحدش بيحس ومحدش طلب منك تحس، بس الرحمة الرحمة، كل اللى كتبت عنهم بينى وبينكم الله.. إنا لله وإنا إليه راجعون.. ادعولى كتير، راضية والحمد لله، بس بنهار وأنا بصلى ومش بطلب غير الثبات من ربنا، بس ليا بيتين فى الجنة، اخترت الآخرة والآبقى يا الله".
عمرو يوسف يخوض رحلة من الغموض بين الفكاهة والمكر في فيلم "درويش"
وفي سياق منفصل ، يواصل النجم المصري عمرو يوسف تصوير أحدث أعماله السينمائية فيلم درويش الذي يقدم فيه دور ونوعية جديدة في السينما تجمع بين الغموض والجاذبية في إطار ملىء بالتشويق.
حيث يجسد الفنان عمرو يوسف دور "درويش"، الرجل الذي يعيش على حافة التناقضات، حيث يوازن بين الفكاهة والمكر في نفس الوقت.
وعن سبب اختياره لهذا الدور، أكد عمرو يوسف في بيان صحفى قائلاً:"ما جذبني لـ درويش هو طبيعة الشخصية وكيف تأخذك إلى مواقف غير متوقعة، في قصة مليئة بالأكشن والمغامرة بأسلوب مختلف"، مضيفاً أن تحضيره للشخصية لم يكن وليد اللحظة، بل استغرق أربع سنوات من العمل مع الكاتب وسام صبري، لخلق شخصية وعالم "درويش" الملىء بالتشويق.
فيلم دوريش من تأليف وسام صبري وإخراج وليد الحلفاوى ويشارك فى بطولته إلى جانب عمرو يوسف كلاً من: تارا عماد، ومصطفى غريب، ومحمد شاهين، وخالد كمال وعدد آخر من الفنانين، وتدور الأحداث حول مغامرات محتال ذو شخصية جذابة يعيش حياة مليئة بالتحديات والمخاطر.
فيلم درويش يسجل التعاون الثاني بين عمرو يوسف ودينا الشربيني هذا العام، بعدما قدما سويًا فيلم "شقو" الذي تم عرضه في موسم عيد الفطر الماضي، وشارك في بطولته محمد ممدوح، أمينة خليل، محمد جمعة، وليد فواز، عباس أبو الحسن، جميل برسوم، حنان يوسف، مع ظهور خاص للفنانة يسرا وضيف الشرف أحمد فهمي ومن تأليف وسام صبري، ومن إخراج كريم السبكي.
