هنا الزاهد تكشف كواليس خناقتها مع أحمد فهمي خلال إصابتها بكورونا

قالت الفنانة هنا الزاهد، إنها اكتشفت إصابتها بكورونا عن طريق الصدفة خلال سفرها خارج البلاد.

وأضافت الزاهد: “كنت مسافرة عندي شغل خارج مصر، وأجريت فحوصات كورونا ومكنش في أية مشكلة نهائيًا، وكنت بصور مع أحمد حاتم، وأثناء قيامي بأحد المشاهد لقيت المساعدة بتاعتي جاية بتقولي يا أستاذة إنتي عندك كورونا”.

وقالت: “أحمد حاتم كان واقف قصادي، وبصلي وأنا بصلته وبصيت للمخرج والناس، وفجأة الكل ارتدى الماسكات، وقلت لنفسي إزاي يجيلي وأنا الوحيدة اللي ملتزمة، اليوم اتفركش وخلاص بقى”.

وتابعت: “قعدت مصابة 9 أيام وبعدها خفيت، وأختي اتعدت مني، وأنا اتخانقت مع أحمد لما جالي كورونا، أنا كنت متفقة معاه إنه لو جاله كورونا هفضل جنبه وأراعيه، أنا أول ما جالي كان بيقولي ابعدي متقربيش، وأنا الحاجات دي بتأثر في نفسيتي، وكان بيكلمني من ورا الزجاج”.

وقالت: “حلفت إني هسيب البيت وأروح أقعد عند ماما، وكان كل يوم بيجيلي تحت البيت عند ماما وينادي ويقولي إنتي كويسة؟ وكنت بطمنه وأقوله أنا بخير”.