يا سمسم يا جامد.. تامر حسني يوجه رسالة لمحمد سامي
أشاد الفنان تامر حسني، بأعمال المخرج محمد سامي في السباق الرمضاني لمسلسل “إش إش” و"سيد الناس".
وكتب تامر حسني عبر ستوري انستجرام: “مبروك يا سمسم يا جامد ليك وللنجم الكبير عمرو سعد وكل الأبطال العظام ومبروك للنجمة الجميلة مي عمر يارب دايما ناجحين وفي القمة”.
قصة مسلسل سيد الناس
تدور أحداث مسلسل سيد الناس حول جارحي التي تنقلب حياته رأسًا على عقب بعد وفاة والده، فيجد نفسه محاطا بثروة ضخمة وماضي مظلم لا يعرف عنه شيئا، ومحاط بخصوم وأعداء لا يرحمونه، ومن أجل حماية عائلته وميراثه يضطر إلي أن يخوض العديد من الصراعات التي بها مخاطرة على حياته.
ويعد مسلسل سيد الناس من بطولة عمرو سعد، سلوى عثمان، إلهام شاهين، أحمد زاهر، ريم مصطفى، إنجي المقدم، أحمد رزق، خالد الصاوي، نشوى مصطفى، ملك أحمد زاهر، رنا رئيس، سلوى عثمان، محمود قابيل، أحمد فهيم، ياسين السقا، إنجي كيوان، طارق النهري، أسما سليمان، ساندي علي، والعمل من تأليف وإخراج محمد سامي.
وكان نشر الفنان تامر حسني صورة وشرح معناها لجمهوره وقدم لهم نصيحة قبل شهر رمضان وكتب تامر على صفحته الشخصية بموقع التواصل الإجتماعي إنستجرام: “على دخلة شهر رمضان المبارك أحب أبدأ أشارك معاكم بعض المعاني الجميلة اللي بتعلمها في حياتي دي صورة عظيمة جداً حركت جوايا معنى جميل .... تفتكروا لو اللي شايل كل الناس دي على ضهره لوحد من اللي شايلهم غلط فيه أو ظلمه أو حد سخنه و خلاه يقول كلام مش فيه أو شتمه حتى شتيمه صريحه .
رسالة مؤثرة من تامر حسني لجمهوره بمناسبة شهر رمضان
وتابع: لو اللي شايل الناس دي كلها قرر يقوم ويقف ويرد عليه !! هيحصل إيه للناس دي كلها اللي ملهاش ذنب !!؟ أكيد هيقعوا ويتعوروا و هما ملهمش ذنب و خصوصاً إن اللي شايل الناس دي كلها هو شايلهم لإنه بيحبهم كلهم فا أكيد هيلتمس للي بيحبهم مليون عذر وعذر وخصوصاً ان اللي متشالين عشان هما فوق فا مش شايفين معاناة اللي شايل عشان كده ربنا بيدي الشخص المسؤل عن ناس كتير أو موظفين أو عيلة قوة تحمل وصبر و حكمة ورحمة مش عند حد و عشان كده ربنا بيباركله في مشواره اللي ماشيه وهو شايل كل دول من غير ما يشتكي بل بالعكس مستمتع وهما على ضهره ... وصف الرسول عليه الصلاة و السلام الرجل القوي الشديد باللي بيمسك نفسه عند الغضب مش اللي بيتخانق و يضرب يلا نبدأ ال الشهر بالتسامح و الرحمة و رمضان كريم على الجميع”.
